شاشات الملاعب بتعرض إعلانات مختلفة حسب القناة والبلد

بما اننا بردو دلوقتي في أجواء كاس عالم ومعظم الناس حتى اللي مش كرويين بيتفرجو على ماتشات
فحلو اننا نتكلم عن حاجة ناس تعرفها وناس متعرفهاش

زمان قبل تقدم التكنولوجيا كانت الإعلانات اللي موجودة على جوانب الملعب عبارة عن بنرات مطبوعة وبالتالي البث اللي كان بينقل الماتش أي كانت القناة كان بيعرض نفس الإعلان لكل المشاهدين أي كانت بلدهم وسواء كانت الشركة المعلنة دي موجودة عندهم ولا لا

دلوقتي ومع تقدم التكنولوجيا تحولت الإعلانات على جوانب الملاعب الكبيرة لشاشات ليد بتعرض اعلانات فيديو متحركة ودا سمح بعرض عدد أكبر من المعلنين لأن الإعلان متغير طول المباراة.

لكن مش دي بس التقنية الوحيدة المستخدمة في الموضوع دا

هل تعلم ان
شاشات الملاعب بتعرض إعلانات مختلفة حسب القناة والبلد
أيون بالظبط زي ما قريت كدا وزي ما هتشوف في الفيديو المرفق
هو هو نفس الماتش ونفس اللعيبة ونفس الكاميرا

ولكن الإعلان مختلف
بل ممكن تكون بتتفرج على ماتش أجنبي
وتلاقي اعلان محلي وتسأل نفسك إيه اللي جاب دول هنا
التقنية المستخدمة في الموضوع دا اسمها Virtual Replacement Perimeter

التقنية بتعتمد على ان الكاميرات الموجودة في الملعب بيكون فيها مستشعرات بيتم ربطها بسوفت وير على جهاز كومبيوتر بيعمل زي تراكينج ومعايرة لوضعية الشاشات على جوانب الملعب وحركتها وبيتم استبدال الجرافيك من خلال البرنامج حسب القناة الناقلة بسهولة وزي ما انتم شايفين بيعمل تراكينج وماسكينج في اللايف تايم زي الحلاوة .

التقنية مش جديدة بالمناسبة