Starbucks قدرت تعمل منتج بيحقق ٧٪ من اجمالي دخلها عن طريق حرية التصرف!
المعروف ان في سلاسل البراندات الكبيرة سواء للمأكولات السريعةاو محلات القهوة سريعة التحضيرعشان يقدروا يتوسعوا بسرعة كبيرةلازم كل حاجة تبقي ماشية وفق خطوات ونظام عمل ثابت و واضح وصارم عشان يتم تلاشي اي خطأ.
و لكن في Starbucks و تحت قيادة واحد من اعظم ال CEOs في العالم من وجهة نظري Howard Schultz الراجل ده كان دايما بيلعب علي حاجات كتير مختلفة تخلي ستارباكس اقرب للناس من انه براند عادي بيقدم القهوة سريعة التحضيرو ده اللي زرعوا في مديرين فروعه في كافة المدن و الدول.
القصة بدأت في جنوب كاليفورنيا مع مديرة احدي الفروع هناك
المديرة دي لاحظت ان احد العملاء بيطلب”قهوة باردة مخفوقة” و ساعتها اللي بيقدموا القهوة قالوله ان المنتج ده مش متاح عندنا
بعد كام يوم لاحظت ان المنتج ده بالذات بيتم السؤال عنه من خلال عملاء ستار باكس نفسهم فحست ان الناس جربت المنتج ده بس هما عايزين يشربوه من المكان اللي بيحبوه و هو ستار باكس
قامت بالفعل اشتغلت علي تحضيره و وفرته عندها بالفرع و بدون الرجوع لأي حد من الادارة اللي فوقيهاو بقي ال frappuccino اكتر مشروب مبيعا عندها في الفرع
و اكيد انتوا عارفين اللي حصل بعدهاان الادارة بدل ما تعاقبها علي انها خرجت بره النظام
لا كرمتها و عممت المشروع في كافة فروع ستارباكس في العالم كله.و اصبح المشروب ده لوحده بيمثل ٧٪ من اجمالي دخل البراند في العالم كله.و ده يعلمنا دروس مهم جدا.
- انك لازم دايما تسمع من عملاءك هما عايزين ايه و تشتغل عليه
- انك لازم تدي فريق عملك بعض الحرية انهم يقدروا يبدعوا شوية
- انك لازم تكون شخص تحليلي و دايما تشوف ايه اللي بيجيب اكتر من غيره وتحاول تكبره و تعممه و تديله حصة اكبر.
