في البداية كل اللي هاتحتاجه ان يكون عندك وقت يومي (ساعة لساعتين)تقضيه علي السوشيال ميديا تعمل اللي هقولك عليه بالظبط.
بس قبل ما اقولك الطريقة مهم جدا يكون عندك الخبرات و الجودة بتاعت الشغل اللي عايز تجيبله عملاءعشان فعلا تقدر تكبر بشكل مستمر.
ببساطة انت هاتعمل حاجتين علي التوازي:
اولا:
هاتعمل محتوي مكون من عنصرين فقط عشان تنشرهم بشكل دوري علي السوشيال ميديا (فيسبوك ولينكد ان في البداية)
-اول عنصر و هو
ال Case Studies بس تكون انت صاحبهايعني كامبين اعلانات ناجحة عملتها فترفعها وبالتحليل بتاعها و ايه العناصر اللي اعتمدت عليها عشان تنجحها
او مثلا لو انت ديزاينر تنشر تصميم انت عملته و تشرح فكرته وازاي عملت Inspiration للفكرة دي
او مثلا لو انت مبرمج مواقع تنشر لينك موقع انت عملته و ازاي حاولت تخليه موقع مميز و اعتمدت في شغلك علي ايه مختلف عشان تحقق ده
و نفس الطريقة تنطبق علي اي مجال مهما كان يعني حتي لو محاسب مثلا
ممكن تنشر ازاي انت في وقت قليل قدرت تنفذ تقرير معين سواء بأستخدام برامج معينة مش مشهورة او بطريقة تنفيذ جديدة و تقول عملت ده ازاي
تانى نوع من المحتوي وهو محتوي النصائحانك تبدأ تقول مقترحات و نصائح للي زيك في المجال ازاي يطوروا من نفسهم او تقولهم علي مصادر او ادوات تساعدهم يتطوروا
ده هايخليك مصدر ثقة و اسم الناس دايما هاتفتكره و ترشحه لما حد يحتاج خدمات زي اللي انت بتقدمها
ثانيا:
علي التوازي هاتبدأ تحدد مواصفات العملاء المحتملين ليك
هل مثلا مديرين التسويق ولا مديرين الشركات نفسها ولا مديرين قطاع الموارد البشرية ولا مين بالظبط؟
و تبدأ تدور عليهم علي فيسبوك و لينكد ان و تعملهم اضافة علي حاسبك و تتفاعل معاهم بشكل دوري
جزء منهم هايقبل طلبك
و عشان خواريزمات فيسبوك و لينكد ان بتظهر المحتوي بتاع الناس اللي بيتفاعلوا معاك وانت بتتفاعل معاهم اكتر من غيرهم
هايبدأ يظهرلهم ال Case Studies اللي انت بتنزلها و مرة في التانية هايبدأوا يركزوا معاك عشان ممكن تفيدهم في شغلهم
جزء منهم فعلا هايتواصل معاك بعد فترة و يطلب منك عرض سعر لخدمتك او يطلب تعيينك معاه في الفريق
و علي الجانب الاخر هايظهرولك انت اكتر من اي حد تاني فلو حد فيهم لاقيته بيدور علي حد زيك تقدر
تتواصل معاهم و تبعتلهم انك مهتم و توريهم لينك واحد يقدروا يشوفوا منه ال Case studies اللي كنت بتنزلها بشكل دوري.
بس يا سيدي وما تنساش الاستمرارية في تنفيذ الاتنين بشكل دوري هايساعدك توسع دايرة عملاءك المهتمين و عدد اللي هايطلبوا منك عروض وعدد اللي هايشتغلوا معاك فعلا.
