سؤال دايما بيتسئل ” في اي خطة او ستراتيجية تسويقية استخدام ال Promo-Codes “
شئ اصبح مهم جدا و لكن ليه مميزاته و اضراره خلينا نبدأ بمميزاته بالرغم ان عيوبه اهم
اننا ناخد بالنا من ابعادها.المميزات:
– زيادة حجم المبيعات بشكل متناسب مع حجم و قوة العرض.
– من الطرق السهلة و الرخيصة اللي تقدر بيها تعمل retention للعملاءو كمان مش بيحتاج خصم كبير لانه جرب قبل كدة بالفعل
.- تقدر من خلال عمل خصومات بأكواد مختلفة و تحديد كل كود بقناة تسويقية معينة
تحدد انهي قناة تسويقية مردودها افضل بشكل سهل و بدون الدخول في تعقيدات
Analytics
– تقدر بيها تعمل تعويض لعميل متضايق مثلا بسبب مشكلة حصلت في الاوردر بتاعه بأنك تعمله كود خاص بيه و يفضل تبقي ذكي و تعمله بأسمه
عشان يحس بالتمييز فينسي المشكلة و يحب البراند بتاعك تاني.
– انك ممكن تعمل كود خصم ٥٠٪ علي الشحن او شحن مجاني للناس اللى عملت Add to cart
و معملوش checkout من خلال Retarget campaign عشان غالبا كان عندهم مشكلة في تكلفة الشحن
.- انك عن طريق الاكواد ممكن تعمل Referral program
يكون الكود بيدي خصم لاصدقاء العملاء و علي كل استخدام للكود بتاع العميل من خلال ترشيحاته هو نفسه يرجعله رصيد يقدر يستفيد بيه من عندك تاني.
نيجي بقي للعيوب:- لو فضلت معتمد عليها فترة كبيرة اولا العميل هايبدأ ما يتفاعلش معاها لانه مش شايفها حاجة حصرية او لفترة مؤقتة
لأن دي دايما موجودة و ده هايقلل المردود بتاعها مع مرور الوقت
– ثانيا لو فضلت تستخدمها لفترة كبيرة وبعد كدة قررت توقفها هاتلاقي دروب كبير حصل لو كانت خصومات بنسب كبيرة
لان هنا الخصومات ما كانتش بس هدفها تشجيع الفئة اللي انت مستهدفها بسعرك الاصلي انها تجرب
لا انت دخلت معاهم شريحة مش مناسب ليهم سعرك الاصلي
و بالتالي انت زودت الموارد بتاعتك عشان تخدم علي الشريحتين و فجأة شريحة كاملة طارت منك!
– من عيوبها برده انك لو مش في البداية بتسخدمها عشان تختبر رد فعل السوق لسعرك و تعدل فيه لحد ما توصل للسعر المناسب اللي تقدر تكبر بيه
هاتلاقي نفسك واقع في فخ انك مش عارف تثبت سعرك و بالتالي مش عارف تحط تارجت واضح تقدر تحققه و بالتالي هاتلاقي نفسك ماشي من غير خطة
و ماشي بالحب و بالتالي مش هاتعرف تكبر وانت بتكسب!
