خلينا نبدأ بجملة مشهورة وقوية جدا بتقول:”ابدأ من حيث انتهي الآخرون” و من هنا ابدأ استخدام ال OPN في البيزنس!
ال OPN هو اختصار لــ Other People’s Network
و دي طريقة ذكية جدا تخليك تكبر بأقل التكاليف بل ممكن تعمل Rapid Growth لو عرفت تعمل Matching قوي و مفيد للعملاء
لو رجعنا بالذاكرة نفتكر كدة احنا عرفنا Dropbox ازاي؟
مش هانفتكر اكيد اننا شوفناله اعلان بالعكس حد قالنا عليه و لو تفتكر في البداية خالص كان الموضوع حلو جدا انك تعرف تشير ملفات مع حد اونلاين بسهولة جدامن خلال الدروب بوكس بس كان دايما في تحدي ان ال ١٢٥ ميجا اللي كان بيوفرهم مجانا بيخلصوا بسرعة و مش بيكفوا ملفات كتيرو كان الحل البديل انك تدفع عشان تزود المساحة
دروب بوكس بقي لما جيه يكبر البيزنس بتاعه ما اعتمدش بس علي انه يصرف اعلانات عشان يجيب عملاء لا خالص ده بدأ يفكر
( دلوقت انا عندي حل مفيد للناس، بس عايز ناس اكتر تعرفه عشان جزء منهم يشتري المساحات الكبيرة )و بدأ يسأل نفسه
ازاي اعمل ده من غير ما اصرف مبالغ هلامية؟
قالك طب مانا اجي اشوف مين عنده نفس العملاء بتوعي و احاول اظهر من خلاله للعملاء و بشكل فيه منفعة متبادلة!
ومن هنا ابتدأ التحدي لو نفتكر وقت نزول موبايل ال Samsung Galaxy لأول مرةكان في ثورة في مبيعات الجهاز ده و كمان كان في نمو كبير لعدد مستخدمي ال Dropbox
و ده لأنه دروب بوكس راح عرض علي سامسونج
قالها انت دلوقت هاتنزلي موديل و عايزة تعملي فيه ميزة تنافسية قوية و انا حاليا عندي تطبيق وانطباع الناس عنه جيد بس عدد الناس مش كتير
فأيه رأيك نخلي اي حد هايشتري جهازك ياخد ٥٠ جيجا مساحة مجانية ويلاقي التطبيق علي الموبايل؟
و من هنا فعلا بقت الناس تقول لبعض علي الموبايل و كل حد معاه الموبايل بقي يقولوا لبعض علي موضوع المساحة المجانية دي.
يمكن دي مش الطريقة الوحيدة اللي اتبعها دروب بوكس عشان يكبرو لكنها واحدة من اهمهم و هي الأعتماد علي شبكة الاخرين عشان يكبر بسرعة.
لو جينا شوفنا شركة SWVL
هانلاقي ان الشركة مش اول حد ينفذ فكرة النقل الجماعي من خلال تطبيق تليفون لأن كان في قبلها Busset
بس SWVL اعتمدت علي طريقة ذكية جدا عشان تقدر تتخطي واحد من اهم التحديات في بيزنس زي ده
و هو توفير اكبر عدد من الميكروباصات المكيفة اللي تنجح الفكرة و تشجع المستخدمين علي استخدام التطبيق
و طبعا فكرة شراء عدد كبير منهم ده مش حل يساعده يكبر خالص لأن رأس المال مش هايساعد لده كله
و في نفس الوقت الموضوع مش زي Uber & Careem اي حد معاه ميكروباص يقدم و هاندخله الشبكة بتاعتنا
لأن اغلب ملاك الميكروباصات .. ميكروباصاتهم متهالكة ومش هاتشجع الناس علي استخدام التطبيق
و لما قعدوا يفكروا فين ال Other People’s Network اللي نقدر نعتمد عليها في حاجة زي دي؟
اكتشفوا شركات السياحة اللي عندها ميكروباصات مكيفة كويسة جداو كمان التوقيت كان في هدوء في حركة السياحة في مصر
و بالتالي دي موارد غير مستغلة لشركات السياحة ومن هنا يحصل التعاون و من هنا العدد يزيد و الخطوط تكتر بسرعة و الموضوع يبقي مغري للركاب انهم يجربوه و يعتمدوا عليه.
لو جيت تفكر برده انت عرفت Fawry ازاي؟
مش هاتفتكر انك شوفتلها اعلان في التلفزيون في البداية او حتي علي النت
لأن هما اعتمدوا علي نفس الفكرة بالظبط قعدوا يفكروا فين ال OPN اللي نقدر نعتمد عليه
“قالك الأكشاك “
و ده من خلال ان الاكشاك تاخد عمولة علي كل عملية من ضمن عمولة فوريو كمان نعمل للأكشاك يافطة كبيرة فوق كل كشك عليها اسم الكشك
و عليها لوجو واللوان فوري فكدة نعمل دعاية و كمان في نفس المكان اللي العميل هايستخدم فيه الخدمة
و كمان خلي اصحاب الاكشاك هما اللي يعرضوا الخدمة علي الناس و يقنعوهم بيها كمان.
حاجات كتير ممكن تفكر فيها انها تساعدك كا OPN يخليك تتخطي تحدي كبير في البيزنس بتاعك حتي لو علي Scale صغير او حتي تيكتيك صغير
يعني ببساطة لو بتدور علي Traffic علي الموقع عندك من غير ما تضطر تصرف اعلانات كتير عشان تتعرف
ممكن تعتمد علي مستخدمين Google Search و تعتبر Google Search Engine هو ال OPN و تقدمله موقع مهيئ للأستخدام بشكل جيدا جدا و محتوي مناسبب
حيث يعرضها للناس اللي بتدور علي معلومات معينةو هو هايردلك الخدمة دي بأنه يطلعك في نتائج البحث في الاول
و يوجه المستخدمين بتوعه للدخول علي موقعك بشكل مجاني!و ده طبعا اللي كلنا عارفينه بال SEO او ال Search Engine Optimization
بس يا سيدي فمش كل حاجة عشان تكبر حلها الوحيد هو ال Promotions و ال Advertisements لأ، العبها بذكاء و دور علي ال OPN و ما تستثنيش اي حد
لأنه ممكن يكون المنافس بتاعك و تبقي انت صايع بشكل كافي انك تستخدمه كـ OPN
