شرح مهم لكل الناس اللي بتكتب محتوى ، وبتستخدم وبتحتاج صور في المحتوى اللي بيكتبوه على المواقع، هنعرف دلوقتي ازاي نعمل Optimization للصور واكتر الحاجات المؤثرة وهتكلم عن الحاجات الممنوع استخدامها بالنسبة للصور. في مقال مش مجرد Search وندور على حاجه ونضيفها والسلام اي كان الحجم او الشكل او المحتوى الموضوع "علم وفن"، طيب العلم في ايه ؟؟
العلم في ان في اعتبارات بالنسبة لـ Google وهنا هنعتمد عليه عشان اكتر الناس لو بتدور على حاجه فيها صور اقرب حد هو Google Image ، محرك بحث جوجل Google عنده اعتبارات “حسابية وعلمية” على اساسها بيدي Rank لاي صورة في الترتيب الاول او الاخير ودا اللي هنتكلم عليه بالتفصيل.
دا كدا تقديم للجزء العلمي، بالنسبة للفن فأنت لازم يكون عندك "ذوق وحس فني" عشان دا هينعكس على الـ User اللي داخل الموقع فأنت لازم تراعي في اعتباراتك وانت بتختار الصورة انها تكون حاجه معبرة بشكل واضح عن حالة الموضوع وتكون حاجه مرتبطه بيه مش مجرد "صورة أرشيفية" والسلام الموضوع لازم يكون مرتبط بشكل كبير بالمحتوى اللي الـ User داخل عشانه او بيقرأه، وهنا نتكلم عن اختيار الالوان وحجم الصورة وانها متبقاش "مبكسله" او فيها علامات مش مفهومة عشان حفظ الحقوق كل الكلام دا كـ User Experience غلط x غلط.
الحاجات اللي لازم نراعيها واحنا بنضيف صورة في محتوي على موقع التالي:
– اوصف الصورة في حدود 5 كلمات ودا لو بتستخدم CMS هتلاقيه في جزء Description.
– من الحاجات المفيدة للصور Backlinks بس طبعاً لازم يكون الموضوع بعيداً عن اي BlackHat technique “ومش بنصح دايماً بأي Backlinks” وهنا بالنسبالي أفضل حل هو Pintrest هو الحل الامثل عشان متلجأش لأي حاجه فيها شبه ممكن تضر الموقع.
– متستخدمش اي نوع من انواع Heading مثلاً H1,H2 لان استخدامك لاي حاجه من الـ H هيترجم انه Spam
– لو عندك Content مهم دايماً الافضل انك تخليه Text مش لازم تكتبه على الصورة وحاول تخلي الصورة Simple as much as you can.
– خلى الصورة دايماً اسمها واضح بـ Description مفهوم للإنسان لان دا هينعكس على Search Engine بمعني لو عندك صورة iPhonex هتخلي اسمها بالشكل التالي new-apple-iphonex.jpg دا هيكون طبعاً افضل من انك تخلى اسمها مُبهم زي دا مثلاً image123.jpg ، طيب فين الفايدة هنا ؟ الفايدة هنا انك بتساعد جوجل انه يتعرف على محتوى الصورة لان احياناً بنستخدم صور رمزية او Victors مثلاً ومش بيكون في المحتوى اي دلاله واضحة للـ Search Engine ان الصورة بتعبر عن ايه وقتها بيلجأ لمحتوى الصفحة وبيساعده اكتر لو انت عامل للصورة اسم واضح زي اللي فات.
– استخدام Alt tags واحدة من الحاجات المهمة جداً وينطبق عليها موضوع 5 كلمات اللي قلته في النقطة الاولى للـ Description مش صح اننا ناخد نفس Meta Title / Post Title ونضيفها في Alt اوصف الصورة بشكل يوضح فعلاً ايه دا؟ طيب لو عندنا اكتر من صورة في الموضوع وقتها نوصف الصور بوصف مختلف عن بعض عادي جداً انه يكون قريب جداً بس دايماً لازم كل صورة يكون لها وصف خاص وهنا بتكلم على الصور اللي في نفس الموضوع عادي لو في الموقع صور الـ Alt بتاعها متكرر في صفحات تانيه مش هيكون في مشكلة.
– لو بتعمل اي Links تودي على الصور استخدم Anchor Text بالكلمة اللي عاوز تظهر بيها صورتك على Google واتأكد انها تكون حاجه مُعبرة.
– الفصل ما بين الكلمة والكلمة في اسم الصورة لازم يكون (-) Hyphens متستخدمش Underscores (_) لان لو استخدمت _ مثلاُ كدا apple_iphonex.jpg جوجل هيقراها كدا appleihonex نوعاً ما ممكن يعملها split بس النسبة ضعيفة مقارنه لو المنافس كاتب الكلمة صح apple-iphonex.jpg فحاول تخلى الموضوع آدمي قدر الاماكن 😉
– استخدم صور حصرية او استخدم صور من مواقع مجانية
وهنا اكتر من اسم موقع https://wp.me/paecI8-5u
- هذا الجزاء للـ Developer مش ليك لو انت بتكتب Content بس. افضل كود للـ alt هو دا
<img src="image.jpg” alt=”alternative text” title =”image title”/>
