– انت بتقدم منتج أو خدمة بسعر مناسب ليه.
– بتقدم أجود خدمة أو أجود منتج.
– يا إما مايعرفش غيرك.
وفي ال 3 حالات دي فرصتك عشان تكسب ثقة عميل جديد، واللي هيساعدك في ده وجود فريق خدمة عملاء محترف معاك في الشركة، واللي لازم يتعامل مع العميل معاملة الأم لإبنها اللي لسة راجع من سفر طويل يعني:
-وظف ناس صبورة في الفريق، لازم يكون عندهم صبر كبير على العميل ومعلوماته البسيطه عنك وعن خدماتك/ منتجاتك.
انت عارف إن في آبل ماينفعش موظفي خدمة العملا يصححوا للعملاء لو نطقوا اسم منتج غلط ؟
-الإقرار بمشاعر العميل، في مقولة بتقول العميل مش دايمًا على حق بس لازم يحس دايمًا إن كلامه مسموع ومحل اهتمام.
-علِّم عميلك، بعد ما تسمع العميل ويخلص كل اللي عنده كلمه عن إنك ازاي هتقدر تساعده وتفهمه شركتك بتقدم إيه بالظبط وممكن تفيده بإيه.
