ايه افضل كتاب بيتكلم عن البيزنس ممكن اتعلم منه؟

الاجابة العامة للسؤال العام هي ان مفيش كتاب واحد هايخليك تتعلم ازاي تطور البيزنس
لأن البيزنس نفسه في قطاعات كتير و كل قطاع بيحتاج تطوير بشكل مختلف و انواع البيزنس كمان بتختلف و اساليب الادارة بتختلف
و مش كل الكتب هاتوصلك المعلومة بنفس القدر لأن كل كاتب ليه اسلوبه اللي ممكن يعجب و يقنع حد و ما ينقعش الاخر
بس انا مش هسيبك تايه
انا جيبتلك كتاب واحد هايوجهك و يحطك علي الطريق الصح و تعرف انهي كتاب هاتحسه مناسب لأحتياجاتك
الكتاب ده اسمه:The 100 Best Business Books Of All Time
بيتكلم عن اعظم ١٠٠ كتاب في البيزنس من وجهة نظره طبعا وكل كتاب بيحكيلك عنه في صفحتين ل ٣ صفحات بالكتير
ففعلا بعد ما تقرأ الكتاب ده كله
اول حاجة هاتستفيدها هي انك هاتدرك حجم كلمة تطوير البيزنس
تاني حاجة هاتقدر تعرف فعلا انت انهي جزء اللي محتاج تطوره
ثالث حاجة هي انهي كتب اللي من وجهة نظرك هاتستحق انك تديها وقت و تقرأها بالكامل