الموضوع كله معتمد علي دور من ادوار فرق التسويق المحترمة و هو ال Market Research و اللي لقوا ان ١٠٪ من مبيعات المكلارين بتحصل فقط في منطقة الخليج العربي
زى (الامارات – السعودية – الكويت – قطر) من زمن بعيد و من ايام بدايات لعبة Need For Speed
و ماكلارين بتهتم بوجود علامتها التجارية بكافة موديلاتها في كل اصدارات اللعبة و لكن مؤخرا بدأ ظهور عدة ألعاب تسيطر علي الساحة علي مستوي العالم و بالأخص في منطقة الخليج العربي و تواجد السيارات السريعة فيها ليه اهمية كبيرة امثلة للألعاب دي: PUBGMOBILE & RocketLeague
و من خلال شوية معلومات بسيطة قدروا يعرفوها لما اتواصلوا معا ادارة PUBG
لحجم ال In App Purchases او حجم المشتريات داخل اللعبة لقوا ان الخليج من اكتر المناطق علي مستوي العالم
و من هنا تواجدت الفرصة الذهبية هي انه بيعود الشخص اللي بيدفع فلوس كتير جوه لعبة انه يجيب سيارة احلامه داخل اللعبة و بالتبعية ده يتناقل للواقع في الحقيقة انها تكون سيارة احلامه.
و ده من اقوي طرق التسويق لأنه مش مجرد اعلان لا ده زي ال Test Drive بالظبط اللي الماركات بتوفره لسياراتها فتأثيره علي المبيعات عظيم جدا
و ده كان التحليل المنطقي للتعاون اللي حصل مع اللعبتين.
مع العلم ان اسعار الماكلارين في الخليج بالريال السعودي تتاروح بين ال ٧٥٠ الف ريال و حتي ١١ مليون ريال اي ان متوسط سعر السيارة الواحدة في حدود ال ٤.٥ مليون ريال
و ده كان سبب كافي انهم يوافقوا علي اي عرض من ادارة PUBG
