كتاب Hooked بيتكلم علشان تخلي العميل دايما مرتبط بيكلازم تخلي عنده investment عندك
او استثمار ما ينفعش يستغني عنه و بالتالي يبقي مضطر يرجعلك!
تعالوا نوضح الكلام بمثال:
لو جيت قولتلك هل عندك مشكلة تمسح حساب الفيسبوك بتاعك و تبدله مثلا
بأنك تروح تعمل واحد جديد علي سناب شات او تويتر؟
حتي لو كل الناس بتقول ان سناب شات و تويتر احلي و افيد
هاتلاقي نفسك بترفض و تقول مستحيل
ده انا بروفايلي عليه كل الناس اللي بحبها من ايام المدرسة/الجامعة/العائلة/الشغل
او ده انا داخل بيه علي كمية جروبات خاصة بشغلي مهمة جدا “ما ينفعش استغني عنها بسهولة”
او ده انا متابع كام حد علي فيسبوك بتعلم من بوستاتهم كتير
اهه جملة ما ينفعش استغني عنها بسهولة ديهي الأستثمار اللي فيسبوك اعتمد عليه
عشان يخليك ما تقدرش تسيبه بسهولة!
و علي نفذ المنوال امثلة كتير في حاجات بتحتك بيهازي صعب اغير من iPhone لأي موبايل اندرويد
عشان صعب اضيع ال contacts اللي عندي كلها
او انك رابط كل صورك و ملفاتك علي ال iCloud و مش سهل تتنقل
و برده زي تطبيق Breadfast مثلا لو ليك باقي رصيد في التطبيق
بالاضافة انك مسجل عليه عنوانك و عنوان بيت والدتك فالموضوع برده مش سهل انك تنقل من عليه و تقعد تدخل كل البيانات من الاول
او مثلا زي لما يكون عندك VISA في CIB كل عملية بتعملها بيجيلك
قصادها نقط بتقدر كل فترة تحولها لرصيد تستخدمه او قسائم شراء “دي برده استثمار”
الشركات دي كلها خلتك تعمله عشان ما تتخلاش عنها بسهولة
فمهم دايما تحاول توجد الطريقة اللي تخلي استثمار العميل عندك تقيل و قوي بحيث انه مش بالساهل يسيبك
