لما تكتب مقالة هتحتاج تستخدم الترويسات بذكاء لأن دورها كبير جداً في تقييم مقالتك عند جوجل.
الترويسات هي العناوين الفرعية اللي بيتم استخدامها في مقالتك , وهتلاقيها موجودة في محرر النصوص الخاص ب WordPress و Blogger.
وهى لها دور مهم جداً في تنسيق مقالتك وجعلها منظمة وسهلة القراءة للزائر, ولها دور مهم جداً عند محركات البحث .. وده طبعا مهم جداً.
ازاي استخدم الترويسات بطريقة سليمة ؟
اولاً : ترويسة H1 خاصة بعنوان المقالة فقط, والثيم هو المفروض اللي بيستخدمها تلقائياً.
انت المفروض ماتستخدمهاش ابداً داخل المقالة.
ثانياً : ترويسة H2 تعامل معها على انها عنوان مقالة فرعية داخل مقالتك الرئيسة.
استخدم فيها كلمة مفتاحية مرتبطة بموضوع المقالة, ويفضل تكون كلمة مفتاحية طويلة, وحاول تكتبها بنفس الصيغة المتوقع ان يستخدمها الزائر في البحث, وخليها فيها تشويق او على الاقل اشارة واضحة لمحتوى السطور التي تتبعها.
في مقالات تتصدر نتائج بحث بسبب احد الترويسات الفرعية المجودة فيها, اذا كان كمية النص اللي تحت الترويسة كبير وغني بالمحتوى القوي.
ثالثاُ : ترويسات h3 , استخدمها عناوين فرعية الترويسات h2
استخدم جمل قصيرة وكثيرة في العدد تحت كل ترويسة h2. لأنك كده بتزود من قيمة الترويسة ال h2 و بتوفر تجربة قراء سهلة وممتعة للزائر ولزاحف جوجل في نفس الوقـت.
الخلاصة : لتحقيق الفائدة القصوى في التعامل مع الترويسات,
حقق الخطوات الثلاثة التالية :
1- تعامل مع الترويسات على انها خريطة لمقالتك موجهة للزائر عشان يفهم ان مقالتك تحتوي على محتوى قيم وانها بتناقش كذا وكذا.
2- استخدم الترويسات كوسيلة لإخبار جوجل ان مقالتك مفيدة لمن يبحث عن كذا وكذا .. وليس فقط من يبحث عن الكلمة المفتاحية الرئيسية.
3- عند اختيار الترويسات , تخيل ان مقالتك هي منتج, وانت تقوم باختيار جمل تستخدم في الحملة الدعائية لهذا المنتج.
