أهم العوامل في الـ ON-PAGE SEO اللي بتأثر بشكل كبير في ترتيب موقعك في جوجل , مبدئياً العوامل دي بتختلف من موقع لموقع وأكيد كلنا عرفين كدا
أولا بالترتيب أهم 10 عوامل في الاون بيدج من الأهم الي الأقل أهمية
1- تجربة المستخدم
2- سرعة الصفحة
3- كلمات تعبيرية في عنوان المقال
4- المحتوي الشامل
5- كلمات لجذب الانتباه في العنوان
6- الروابط الداخلية
7- الروابط الخارجية
8- توزيع الكلمة الرئيسية
9- الكلمة الرئسية في الـ URL
10- حجم URL
هحاول أشرح عامل عامل بطريقة مبسيطة للتوصيح
1 : تجربة المستخدم UX :
وهي محاولة نيل رضاء المستخدم أثناء تصفح موقعك وذلك عن طريق تحسين واجة المستخدم بمعني إستخدام قالب بسيط سريع ومتجاوب سلسل في التعامل والخطوط متناسقة واضحة حجمها مناسب وإستخدم صور تعبر عن المحتوي وتنسيق المقال لفقرات بالإضافة الي انك تحاول تخلي المستخدم يدخل موقعك ويخرج وهو راضي وحصل علي المعلومه كامله التي يحتاج اليها وانه ميخرجش ويبحث عنها تاني في موقع منافس .
2 : سرعة الصفحة Page Speed :
وهي محاولة تحسين سرعة صفحات المقالات نفسها لأن الكثير منا يهتم بالصفحة الرئيسية فقط ويهمل سرعة صفحات المقالات نفسها وطبعاً علي مستوي الهواتف والاجهزة الدسكتوب وحاليا جوجل اعلنت انها اهم عامل لترتيب نتائج الهاتف وهو انك هدفك الصفحة تحمل بحد اقصي 3 ثواني فقط وده هيتم عن طريق أستخدام قالب سريع وضغط الصور واستخدام اضافات الكاش W3 total cache
3 : كلمات تعبيرية في عنوان المقال title modifiers :
حاجة جديده ممكن اول مره تسمعها وهي ببساطة أستخدام كلمات تدل او تعبر علي قوة المقال في العنوان منها :
“افضل – اجمل- اهم- اقوي – 2018 -2019 …… الخ ” الكلمات دي المستخدم كتير جدا بيدور عليها لان لو المقال الخاص بيك قديم اكيد المستخدم مش هيدخل عندك .
4 : المحتوي الشامل :
في الفترة اللي فاتت أغلب الناس تقريباً كانت بتكتب او بتطلب مقالات محتواها مطول من 1000 كلمة فأكثر كعدد كلمات يعني وده لان الناس كانت فاهمه المحتوي المطول بشكل خاطئ ولكن المفهوم الصحيح والمقصود هنا انك تحاول تغطي المقال بتاعك من جميع الجوانب او بمعني اخر تشتغل علي كل الكلمات اللي متعلقه بالكلمة الرئيسية سواء المراديفات او اللونج تيل كيوردز بطريقة سلسلة وبدووون لت وعجن يعني تقدم للمستخدم كل اللي هو محتاجه في مقال واحد وتخليه يخرج وهو مبسوط لذلك اطلقت عليه محتوي شامل وليس مطول .
5 : كلمات لجذب الانتباه في العنوان :
وهي محاولة إضافة كلمات الي عنوان المقال لجذب أنتباه المستخدم الي النتيجة الخاصة بك في نتائج البحث وطبعاً بدون خداع طبعاً المعروف ان أول نتيجة في البحث لها النسبة الاكبر في الترافيك ولكن لو انت استخدمت كلمات جذب انتباه في عنوان المقالات ده هيعلي CTR عندك وبالتالي ترتيبك هيتحسن .
6 : الروابط الداخلية Internal Links :
استخدام الراوبط الداخلية بين المقالات وبعضها البعض علي نفس الموقع طبعاً
بساطة دلوقتي انت عندك مقال محتاج انك تقوية بشكل بسيط هتشوف ايه المقالات اللي ليها علاقه بيه وتعمل فيها انكورتيكس بلينك المقال المراد تحسين ترتيبه .
7 : الراوبط الخارجية External Links :
وطبعا دي مش محتاجه توضيح كتير ببساطة انك تضيف روابط خارجية كمصادر لزيادة قوة المقال من مواقع كبيرة مثل “ويكيبيديا” .
8 : توزيع الكلمة الرئيسية :
وهي توزيع الكلمة الرئيسية المراد الحصول علي ترتيب لها في جوجل وفي شروحات كتيرة في الجروب عن اماكن توزيع الكلمات الرئيسية وهي انك لازم طبعاً تكون في عنوان المقال وفي العناوين الفرعية Heading Tags .
9 : الكلمة الرئسية في الـ URL :
وهي انك تضيف الكلمة الرئيسية في عنوان المقال يفضل بالانجليزي
10 : حجم URL :
ببسطة حاول تخلي عنوان الـURL قصير قدر الامكان بحد أقصي كلمتين تلاته
