كيف تدير مشروعك على السوشيال ميديا


من أهم الخطوات اللي لازم أي حد بيشتغل في مجال السوشيال ميديا يحطها فى الاعتبار هى الاهتمام بالمنافسين، وايضا  مواكبة كل جديد عشان تقدر تتفوق على المنافسين على مواقع التواصل الاجتماعي.

خطوات بسيطة تساعدك لو بتسوق لمشروعك أو منتجك الخاص أو لو بتشتغل فى مجال السوشيال ميديا انك تتعامل مع تواجد منافسيك علي شبكات التواصل الاجتماعي بشكل صحيح.

 

– حدد لنفسك مواقع التواصل الاجتماعي اللى تناسبك:

معظم الشركات متقدرش تتواصل بشكل فعال مع الجمهور علي كل مواقع التواصل، شوف إيه أكتر مواقع يتواجد فيها عملائك المستهدفين وفين منافسيك علي كل موقع فيهم.

لو إنت جديد يبقي لازم تبتدي بالأساس، فيس بوك بعد كده تويتر الاكثر شعبية في مصر

وممكن تتواجد على قناة علي اليوتيوب لإعلانات شركتك بمعني لو عندك منتج أو خدمة، ممكن تفكر تعرضه من خلال فيديو دعائي يوصل شخصية المنتج ومميزاته  

  قدم نفسك بطريقة بسيطة وقوية “Good Description“:

حط كل ما يخص شركتك من معلومات، من لينك موقعك ..أرقام تليفونات الشركة، عنوانك بالتفصيل وسطرين تعريف بالشركة وخدماتها، مش ضروري تكتب كتير لكن كمان متهملش ده عشان عميلك يبقي عارف انك واضح ويقدر يثق فيك ، وخليك حريص على تحديث المعلومات من وقت للتاني فى حالة ان عندك جديد

  إعمل للبراند شخصية خاصة:

فكر إيه الحاجة اللي بتميزك عن منافسيك، مثلا: أسعارك، جودتك أو منتجاتك المتنوعة  فكًر كمان في شخصية البراند هتعملها نوعها إيه؟ مثلا شخصية مرحة، بتساعد الناس أو شخصية جادة رسمية.. المقصود بشخصية البراند الطريقة اللى بتكلم بيها الناس ونوع المحتوى اللى بتشاركه معاهم عشان يعبر عن المنتج، والصور وطريقة العرض.. كل ماتقدم شكل مميز وخاص هيرتبط مع الجمهور بالمكان أو المنتج

 

  إبني قاعدة جمهور قوية:

مش مهم عندك كام متابع وكام لايك، المهم قوة الجمهور اللي بيتابعك وهل أنت وصلت للجمهور الصح ولا مجرد عدد وخلاص ، بمعني إن المتابعين دول هم اللي هيشتروا منتجاتك أوعندهم قابلية إنهم يتعاملوا معاك في المستقبل، هل الجمهور ده مركز معاك ومتابع كل جديد وبينتقدك أو بيشكر فيك..

تقدر من خلال أماكن بيع المنتج أو تواجد منافسيك للتعامل مع الخدمة أو المنتج توصلهم إنك موجود على مواقع كذا وكذا وتطلب منهم يتابعوك، كمان ممكن توصل لعملائك الصح من خلال استهدافهم فى إعلانات على مواقع السوشيال ميديا، وغيرها وسائل كتير

  الـ “Creative Content” يضمن تفاعل الناس معاك:

كتير من الشركات المحتوى اللي بتقدمه بيكون عن منتجاتها أو خدماتها و دة مش صح . اصنع محتوى إبداعي ويكون متعلق بطبيعة شركتك، يبقى مفيد أو مرح ويقدم قيمة.. أنت محتاج الناس تتفاعل معاك ومحتاج تتعرف على جمهورك واحتياجاتهم، كمان محتاج توصل لأكبر نسبة ممكنة من جمهورك المهتم بالمجال أو المنتج حتى لو مش هيشتري منك النهارده أكيد هيتعامل معاك بكرة help your content travel

 

 راقب صفحتك وحساباتك:

حط لنفسك أهداف و مقايسس زي مثلا، لو عندك ويب سايت ممكن تحسب كل إسبوعين عدد اللي دخلو من شبكات التواصل الاجتماعي للويب سايت قد إيه؟ مثلا تعمل عرض لجمهورك على فيس بوك أو غيره وممكن تعرف كمان جالك كام واحد بعد الاعلان علي مواقع التواصل الاجتماعي وحجم المبيعات اللى اتأثرت بالتفاعل على الصفحات

  أربط نشاطك التسويقي بشبكات التواصل الاجتماعي:
أي نشاط أوفلاين لازم تربطة بالأونلاين من خلال السوشيال ميديا أو الإيميل ماركتنج

كل أنشطتك التسويقية على الأرض أو على الانترنت لازم تربطها ببعض علشان توصّل شخصية البراند ورسالتك لعملائك المستهدفين.. انشر باستمرار كل جديد بيتم فى الواقع مع تسويق المنتج على صفحتك وكمان اتكلم عن نشاطك التسويقى الأونلاين كجزء مهم ضمن الدعايا أو الإعلانات الأوفلاين

 

 

10 thoughts on “كيف تدير مشروعك على السوشيال ميديا

  1. Wonderful goods from you, man. I’ve be mindful your stuff prior to and you are just too great.
    I actually like what you’ve bought here, really like what you’re stating and the best way wherein you say it.
    You’re making it entertaining and you still care for to stay it wise.
    I can’t wait to read much more from you. This is actually a wonderful site. http://t.im/188bet86237

  2. Wonderful goods from you, man. I’ve be mindful your stuff
    prior to and you are just too great. I actually like what you’ve bought here, really like what you’re stating and the best way wherein you say it.

    You’re making it entertaining and you still care for to stay it wise.
    I can’t wait to read much more from you. This is actually a wonderful
    site. http://t.im/188bet86237

اترك تعليقاً

لن يتم نشر عنوان بريدك الإلكتروني.